Gogoaren kontrola
Badirudi aspaldion berebiziko interesa piztu dela idazle gazteen artean zientzia-fikzioarekin zerikusirik duten gaiak jorratzeko. Halaxe da, beraz, Asel Luzarragaren Karonte izenburuko bere bigarren lana, zientzia-fikzioaren eta thriller-aren artean dagoen eleberria. Liburua idazle gazteak bultzatzeko VI. Igartza sariaren emaitza izan da.
Bizien eta hildakoen bitarteko lemazaina zen mitologia klasikoko jeinua gogorarazten digun liburu hau izan daiteke euskaraz gaurko teknologiak eta informatika hainbeste azaltzen diren lehenengo lana. Baina Bilbon eta Tokion girotzen den lan honetan dena ez da teknologia; pertsonaien arteko harremanak, sentsualitate erotikoa eta sentimenduak nagusitzen dira.
Amets, liburuko protagonista, luzaroan koman lo egon ostean biztu da. Betiko bizimodura nahi izango du itzuli bera jagoten jardun duen Naroa lehengusina argentinarraren eta Ainara neska-lagunaren ondoan. Baina ezin. Mendebaldeko zerbitzu sekretuek prozesagailu bat ezarri diote buruan jendea kontrolatzeko.
Hasieratik garbi azaltzen den hari horretan egileak berria ez den gaia jorratu du, kanpotik ezartzen zaigun kontrolaren gaia hain zuzen. Gai hori askotan ikusi ahal izan dugu zientzia-fikziozko zine eta literaturan, baina gaur egun, garatu diren teknologiak bide direla, inoiz baino errealagoa da, horregatik lana gaurko denboran kokatzen da.
Liburu honek asko zor dio zine eta literatura horri, eta egileak berak aitortzen duen legez, japoniar komikiari ere bai. Asel Luzarraga japoniar kulturaren miresle handia da; ez da, beraz, debaldekoa eleberria Tokion girotu izana. Bertako ezaugarriak zehatz-mehatz deskribatuta daude, hori dela eta liburua ere Japoniari eginiko omenaldi gisa har liteke.
Eleberri hau abentura bizia da, berbakera xeheaz idatzia, batzuetan sentimenduak nagusitzeko asmo horretan akzio apur bat falta arren, akzioa eta etengabeko suspensea direlako eleberrion ezaugarri behinenak. Akzioa, suspensea eta batez ere sinesgarritasuna behar dira zientzia-fikzioko lan on bat egiteko. Karonte ez da horretan erabat borobila, ahalegin duina izanik ere. Nire ustetan gaiak eta liburuaren sinpletasunak irakurle jakin bat erakarriko dute, irakurle gaztea aurki.
Asel Luzarraga: Karonte. Elkarlanean, 2005. 18,40 euro.
Tu suscripci¨®n se est¨¢ usando en otro dispositivo
?Quieres a?adir otro usuario a tu suscripci¨®n?
Si contin¨²as leyendo en este dispositivo, no se podr¨¢ leer en el otro.
FlechaTu suscripci¨®n se est¨¢ usando en otro dispositivo y solo puedes acceder a EL PA?S desde un dispositivo a la vez.
Si quieres compartir tu cuenta, cambia tu suscripci¨®n a la modalidad Premium, as¨ª podr¨¢s a?adir otro usuario. Cada uno acceder¨¢ con su propia cuenta de email, lo que os permitir¨¢ personalizar vuestra experiencia en EL PA?S.
En el caso de no saber qui¨¦n est¨¢ usando tu cuenta, te recomendamos cambiar tu contrase?a aqu¨ª.
Si decides continuar compartiendo tu cuenta, este mensaje se mostrar¨¢ en tu dispositivo y en el de la otra persona que est¨¢ usando tu cuenta de forma indefinida, afectando a tu experiencia de lectura. Puedes consultar aqu¨ª los t¨¦rminos y condiciones de la suscripci¨®n digital.
